தேவையான பொருட்கள்:

சப்பாத்தி ( மிகவும் பொடித்தாக நறுக்கிக் கொள்ளவும்) - 4 என்னம்

பெரிய வெங்காயம் (மிகவும் பொடிதாக நறுக்கியது) - 1 1/2 என்னம்

தக்காளி (மிகவும் பொடிதாக நறுக்கியது) - 1 1/2 என்னம்

மிளகுத்தூள் - 1 தேக்கரண்டி

சீரகத்தூள் - 1 தேக்கரண்டி

மஞ்சள்தூள் - 1/2 தேக்கரண்டி

மிளகாய்த்தூள் - 1 தேக்கரண்டி

கறிவேப்பிலை (மிகவும் பொடிதாக நறுக்கியது) - 1 இனுக்கு

கடுகு, உளுத்தம் பருப்பு - 1 தேக்கரண்டி

முட்டைகோஸ் (நீளமாக பொடியாக நறுக்கியது) - 1/4 கப்

கேரட் (நீளமாக பொடியாக நறுக்கியது) - 1/4 கப்

பச்சை (அல்லது) ஃப்ரோஸன் பட்டாணி - 1/4 கப்

தக்காளி சாஸ் - 1 1/2 தேக்கரண்டி

உப்பு - தேவையான அளவு

செய்முறை:

காய்கறிகளை 1/2 உப்பு சேர்த்து காய்கறி முழுகும் அளவு தண்ணீர் சேர்த்து (அவன் இருந்தால் 3 நிமிடம் வேகவைக்கவும்) வேகவைக்கவும்.

வாணலியில் 2 தேக்கரண்டி எண்ணைய் ஊற்றி கடுகு,உளுத்தம் பருப்பு தாளித்து கறிவேப்பிலை போடவும்.

வெங்காயத்தை போட்டு 1 நிமிடம் வதக்கி பின் தக்காளி போடவும்.

நன்றாக வதக்கி பேஸ்ட் போல் ஆகும் போது, சீரகத்தூள், மிளகுத்தூள், மஞ்சள் தூள் , மிளகாய் தூள் ஆகியவைகளை ஒன்றன் பின் ஒன்றாக போட்டு வதக்கவும்.

வேகவைத்த காய்கறிகளை (தண்ணீரை வடித்தபின்) சேர்த்து 1/4 தேக்கரண்டி உப்பு , தக்காளி சாஸ் சேர்க்கவும்.

நறுக்கிய சப்பாத்தியில் தண்ணீரை ( 2 கை அளவு ) தெளித்து எல்லா சப்பாத்தி பீஸீன் மீது படும் படி கலந்து விடவும். ( இது சப்பாத்தி சாப்பிடும் போது மெதுவாக இருக்க உதவும்)

வாணாலியில் உள்ள கலவையிலும் ஒரு கை தண்ணீர் தெளித்து நறுக்கிய சப்பாத்தியை போடவும். உப்பு சேர்த்து நன்றாக கிளறி இறக்கி சூடாக பறிமாறவும்.(ஆறினால் நன்றாக இருக்காது).

குறிப்புகள்: