தேவையான பொருட்கள்:

ப்ரெட் - 4

சிக்கன் (லெக் பீஸ்) - 4

தயிர் - 1/2 கப்

தூளாக்கிய கருவாப்பட்டை - 2

தூளாக்கிய கிராம்பு (லவங்கம்) - 2

தூளாக்கிய ஏலக்காய் - 2

இஞ்சி விழுது - 2 தேக்கரண்டி

உள்ளி (பூண்டு) விழுது - 2 தேக்கரண்டி

மஞ்சள் தூள் - 2 தேக்கரண்டி

மிளகாய் தூள் - 2 அல்லது 3 தேக்கரண்டி

சோளம் மாவு - 2 தேக்கரண்டி

அஜினோமோட்டோ - சிறிதளவு (விரும்பினால்)

தூளாக்கிய கறிவேப்பிலை - சிறிதளவு

எண்ணெய் - தேவையான அளவு

உப்பு - தேவையான அளவு

செய்முறை:

அடுப்பில் ஒரு பாத்திரத்தை வைத்து அதில் சிறிதளவு தண்ணீரை விட்டு அதனுடன் சிக்கன் லெக் பீஸை போட்டு ஓரளவு அவிய விடவும்.

சிக்கின் லெக்பீஸ் ஓரளவு அவிந்ததும் அதிலிருக்கும் தண்ணீரை வடித்து விட்டு எடுத்து ஒரு தட்டில் வைத்து ஆறவிடவும்.

பின்பு ஒரு பாத்திரத்தில் தயிர், கருவாபட்டை(பட்டை)தூள், கிராம்பு(லவங்கம்)தூள், ஏலக்காய்த்தூள், இஞ்சி விழுது, உள்ளி(பூண்டு)விழுது, மஞ்சள்தூள், மிளகாய்த்தூள், சோளம் மாவு, உப்பு, அஜினோமோட்டோ, தூளாக்கிய கறிவேப்பிலை ஆகியவற்றை கலந்து வைக்கவும்.

ஓரளவு அவிந்த லெக்பீஸில் முள்ளுகரண்டியால் ஓரளவு மெதுவாக குத்திவிடவும்(லெக்பீஸின் உட்பகுதியில் மசாலா நன்றாக கலப்பதற்காக).

பின்பு அவித்து மெதுவாக முள்ளுகரண்டியால் குத்திய லெக்பீஸ்துண்டை கலந்து வைத்திருக்கும் மசாலாவில் (20 - 30)நிமிடங்கள் நன்றாக கலந்து ஊறவைக்கவும்.

அடுப்பில் தாட்சியை (வாணலியை)வைத்து சூடாக்கியதும் அதில் எண்ணெய் விட்டு சூடாக்கவும்.

மசாலாவில் சிக்கன் லெக்பீஸ் ஊறிய பின்பு ப்ரெட்டின் ஓரங்களை வெட்டி கழித்துவிட்டு அதன் நடுப்பகுதியை எடுக்கவும்.

எடுத்த ப்ரெட்டின் நடுப்பகுதியை தயிரில் தோய்த்து எடுக்கவும். பின்பு தயிரில் தோய்த்து எடுத்த ப்ரெட்துண்டினை எடுத்து அதனை மசாலாவில் ஊறிய லெக்பீஸில் நன்றாக சுற்றவும்.

அடுப்பில் உள்ள தாட்சியில்(வாணலியில்) உள்ள எண்ணெய் சூடான பின்பு அதில் மசாலா கலந்து ப்ரெட் துண்டு சுற்றிய லெக்பீஸை போட்டு நன்றாக பொரித்தெடுக்கவும்.

நன்றாக பொரிந்த பின்பு எடுத்து ஒரு பாத்திரத்தில் வைத்து மூடி எண்ணெயை வடிய விட்டு பரிமாறவும்.

குறிப்புகள்:

சோறு (சாதம்), இடியப்பம், புட்டு, பாண்வுடன் சேர்த்துச் சாப்பிட பொருத்தமாக இருக்கும்.