தேவையான பொருட்கள்:

ஆட்டு இறைச்சி (மட்டன்) - 3/4 கிலோ

சின்ன வெங்காயம் - 1/2 கிலோ

தேங்காய் - 1 மூடி

இஞ்சி - 2 அங்குல துண்டு

பூண்டு - 15 + 10 பல்

காய்ந்த மிளகாய் - 10

மிளகு - 1 தேக்கரண்டி

சீரகம் - 1 தேக்கரண்டி

சோம்பு - 1 தேக்கரண்டி

கசகசா - 1 தேக்கரண்டி

தனியா தூள் - 2 மேசைக்கரண்டி

தக்காளி - 1

மஞ்சள் தூள் - 1 தேக்கரண்டி

பட்டை - சிறிது

கிராம்பு - 2

ஏலக்காய் - 2

பிரிஞ்சி இலை - சிறிது

கறிவேப்பிலை - 20

எண்ணெய் - 4 தேக்கரண்டி

உப்பு - தேவையான அளவு.

செய்முறை:

15 பல் பூண்டு, இஞ்சியை அரைத்து வைக்கவும்.

ஆட்டு இறைச்சியை கழுவி சிறிது உப்பு, மஞ்சள் தூள், பாதி இஞ்சிபூண்டு விழுது சேர்த்து, குக்கரில் 5 விசில் விட்டு வேக வைக்கவும்.

வாணலியில் 2 ஸ்பூன் எண்ணெய் விட்டு, மிளகாய், பாதி கறிவேப்பிலை, சீரகம், மிளகு வறுத்து எடுக்கவும்.

அதே எண்ணெயில் 8 வெங்காயத்தை மட்டும் தனியாக வைத்துக் கொண்டு, மீதி வெங்காயத்தை வதக்கவும்.

வெறும் வாணலியில் சோம்பு, கசகசா, தேங்காய் சேர்த்து லேசாக வறுத்து எடுக்கவும்.

வறுத்தவைகளை தனிதனியாக அரைத்து வைக்கவும்.

பாத்திரத்தில் மீதி எண்ணெயை விட்டு காய்ந்த்வுடன் பட்டை, கிராம்பு, ஏலக்காய், பிரிஞ்சி இலை சேர்க்கவும்.

பொரிந்தவுடன் இரண்டாக வெட்டிய 8 வெங்காயம், பூண்டு, மீதி உள்ள இஞ்சிபூண்டு விழுது சேர்த்து வதக்கவும்.

வெங்காயம் வதங்கியவுடன், தக்காளி, மீதி கறிவேபிப்பிலை, ஆட்டு இறைச்சி சேர்த்து வதக்கவும்.

சிறிது நேரம் வதக்கிய பின், முதலில் அரைத்த மிளகாய் மற்றும் சீரகம், மிளகு, தனியா தூள் சேர்த்து, 5 நிமிடம் வதக்கவும்.

பிறகு அரைத்த வெங்காய விழுதை, தண்ணீரில் கரைத்து ஊற்றி, உப்பு போட்டு கொதிக்க விடவும்.

10 நிமிடம் கொதித்த பின், அரைத்த தேங்காய், கசகசா விழுதை கெட்டியாக கரைத்து ஊற்றவும்.

5 நிமிடம் கொதித்த பின் இறக்கி பரிமாறவும்.

குறிப்புகள்: